Բաժանորդագրվեք araratnews-ի տելեգրամ ալիքին։
Հնդկաստանը քննարկում է իր օդային տարածքը և նավահանգիստները պակիստանյան նավագնացության և ավիափոխադրողների համար փակելու հնարավորությունը: Araratnews.am-ի փոխանցմամբ՝ այս մասին հաղորդում է Economic Times-ը՝ հղում անելով իր աղբյուրներին։
Ավելի վաղ, Ջամմու և Քաշմիրում տեղի ունեցած ահաբեկչական հարձակմանը ի պատասխան, Հնդկաստանը մի շարք կոշտ միջոցներ է ձեռնարկել Պակիստանի դեմ, այդ թվում՝ պակիստանցի ռազմական կցորդների արտաքսումը, ավելի քան վաթսուն տարվա պատմություն ունեցող Ինդոս գետի ավազանի պայմանագրի կասեցումը և Աթթարիի ցամաքային տարանցիկ կետի անհապաղ փակումը։
Իր հերթին, Պակիստանը կասեցրել է Հնդկաստանի հետ բոլոր երկկողմանի համաձայնագրերը, փակել իր օդային տարածքը հնդկական ավիաընկերությունների համար և հայտարարել, որ Ինդոսի ջրերի պայմանագրով Պակիստանին պատկանող ջրային հոսքը դադարեցնելու կամ շեղելու ցանկացած փորձ, ինչպես նաև ստորին ափամերձ պետությունների իրավունքների յուրացումը կհամարվի պատերազմական ակտ։