Բաժանորդագրվեք araratnews-ի տելեգրամ ալիքին։
ՀՀ վարչապետ Նիկոլ Փաշինյանը սոցցանցի իր էջում գրել է, որ «Կրթվելը նորաձև է» շարժման շրջանակներում իր ունեցած «Իմանալ ինչպես» և «Իրական Հայաստանի գաղափարախոսությունը» բանախոսությունների շարքում պատասխանում է բոլոր հնարավոր հարցերին: Վարչապետը հրավիրել է մասնակցելու «Կրթվելը նորաձև է» շարժման հանդիպումներին:
«Անդրադառնում և պատասխանում եմ բոլոր հնարավոր հարցերին՝ սկսած նրանից, թե արդյոք լիզում եմ թուրքի կոշիկները, շարունակած նրանով, թե արդյոք վաճառել եմ Ղարաբաղը, արդյոք ուրանում եմ մեր պատմությունը, մեր ինքնությունը թրքացնելու հանձնարարությո՞ւն եմ ստացել արդյոք Ձեզ հայտնի կենտրոններից, կամ պարզապես առանց որևէ մեկի հանձնարարության ուրանում ու նենգափոխո՞ւմ եմ մեր ինքնությունը։ Եվ այլն, և այլն, և այլն։
Համացանցում նման հարցադրումներ անող և նման համոզմունք հայտնող բոլոր օգտատերերին հրավիրում եմ մասնակցելու «Կրթվելը նորաձև է» շարժման հանդիպումներին։ Գրանցվեք, մասնակցեք։ Համոզված եմ՝ դուք կստանաք ձեզ հուզող բոլոր հարցերի պատասխանները։ Հարգանքներիս հավաստիքը, և մինչ հանդիպում»,- գրել է վարչապետը։