Աֆղանստանի հարցերով ՌԴ ԱԳՆ ներկայացուցիչ Զամիր Կաբուլովը հայտնել է, որ Մոսկվան Վաշինգտոնի հետ չի աշխատում Կենտրոնական Ասիայում ԱՄՆ-ի ներկայության որևէ տարբերակի շուրջ:

«Ոչ մի նման բան չկա, դրանք շահարկումներ են, որոնք պարզ չէ, թե ով է տարածում, ես ոչինչ չգիտեմ այս մասին»,- ասել է Կաբուլովը՝ պատասխանելով համապատասխան հարցին։

Ավելի վաղ մի շարք լրատվամիջոցներ հայտնել էին, որ Մոսկվան և Վաշինգտոնը ԱՄՆ պետքարտուղարի տեղակալ Վիկտորյա Նուլանդի Ռուսաստան այցի ընթացքում քննարկել են Աֆղանստանից հեռանալուց հետո ԱՄՆ զինված ուժերի ներկայության տարբերակները և, իբր, մտադիր են հետագայում աշխատել այդ հարցի շուրջ։

208