Բելառուսի կողմից Ղրիմը Ռուսաստանի կազմում ճանաչելն անուղղելի հարված կհասցնի ուկրաինա-բելառուսական հարաբերություններին։ Այդ մասին լրագրողներին հայտնել է Ուկրաինայի արտաքին գործերի նախարար Դմիտրի Կուլեբան Ռիգայում, որտեղ ընթանում է ՆԱՏՕ-ի երկրների արտգործնախարարների հանդիպումը։

«Մենք կգնահատենք Ալեքսանդր Լուկաշենկոյի գործողությունները: Եթե Բելառուսն իրոք ճանաչի Ղրիմի անօրինական օկուպացիան Ռուսաստանի կողմից, դա անուղղելի հարված կհասցնի ուկրաինա-բելառուսական հարաբերություններին: Մենք գործելու ենք ամբողջությամբ: Ղրիմը այն հարցը չէ, որտեղ մենք մեզ թույլ ենք տալիս ձեռնպահ մնալ»,- ասել է Ուկրաինայի արտաքին գործերի նախարարության ղեկավարը։

150