Ոստիկանության պետական պահպանության գլխավոր վարչության (ՊՊԳՎ) նախկին պետը կալանավորվել է: Այս մասին «Հայկական ժամանակ»-ին տեղեկացրին Հակակոռուպցիոն կոմիտեից:

Այս կերպ Երևանի ընդհանուր իրավասության դատարանը բավարարել է քննիչի ներկայացրած կալանքի միջնորդությունը:

Վարդան Մինասյանը ձերբակալվել էր դեկտեմբերի 2-ին:

Հիշեցնենք՝ երեկ ՀՀ հակակոռուպցիոն կոմիտեն հաղորդագրություն էր տարածել՝ տեղեկացնելով, որ քննվող քրեական գործի նախաքննությամբ բացահայտվել է առանձնապես խոշոր չափերով գումարների յուրացման կազմակերպման և հանցավոր ճանապարհով ստացված առանձնապես խոշոր չափերով գույքի օրինականացման/փողերի լվացում/ կոռուպցիոն սխեմա, որում ներգրավված են ՀՀ ոստիկանության նախկին պաշտոնատար անձինք:

805