Ռուսաստանի նախագահ Վլադիմիր Պուտինն օրենք է ստորագրել, ըստ որի՝  պաշտոնյաների կոռուպցիոն միջոցները հօգուտ պետության կբռնագրավվեն։ Համապատասխան փաստաթուղթը հրապարակված է իրավական տեղեկատվության պաշտոնական ինտերնետային հարթակում:

Օրենքի համաձայն՝ դատարանը կարող է պաշտոնյաների բանկային հաշիվներից գումար գանձել, եթե այդ գումարը գերազանցում է վերջին երեք տարվա պաշտոնական եկամուտը։

Բացառություն են լինելու այն դեպքերը, երբ անձը կարողանա ապացուցել գումար ստանալու օրինականությունը։ Փաստաթղթում նշվում է նաև, որ պաշտոնյայի ընտանիքի անդամների հաշիվներից ևս կարող է գումար գանձվել։
 

2470