Գերմանիայում Ուկրաինայի դեսպան Անդրեյ Մելնիկի «Twitter»-ի գրառումը զայրացրել է գերմանացի օգտատերերին, որոնք այն համարել են վիրավորանք Գերմանիայի կանցլեր Օլաֆ Շոլցի հասցեին։
Դիվանագետը հրապարակել է լուսանկար, որտեղ կնոջ հետ պահում է երշիկներ։ Լուսանկարում նա շնորհակալություն է հայտնել Հերկսհայմ քաղաքից ժամանած մսագործ Վալտեր Ադամին նման նվերի համար եւ գրել է՝ «երշիկը միավորում է գերմանացիներին եւ ուկրաինացիներին»:
Հիշեցնենք, որ նա Գերմանիայի կանցլեր Օլաֆ Շոլցին «փորոտիքի նեղացած երշիկ» էր համարել, քանի որ Շոլցը հայտարարել էր, որ Գերմանիայի նախագահ Ֆրանկ-Վալտեր Շտայնմայերին չընդունելու Կիեւի որոշումը «խոչընդոտում է» Ուկրաինայի մայրաքաղաք նրա այցին։ Օգտատերերին վրդովեցրել են Շոլցի հասցեին դեսպանի վերջին արտահայտությունների վերաբերյալ նման ոչ երկիմաստ ակնարկները, որոնց համար Մելնիկը ներողություն չի խնդրել։