Թուրքիայի նախագահ Ռեջեփ Թայիփ Էրդողանը նախատեսում է ուրբաթ օրը «բարձր մակարդակով հանդիպում» անցկացնել՝ քննարկելու ռուսական «Միր» վճարային համակարգը։ Այս մասին հայտնում է Reuters-ը՝ հղում անելով իր աղբյուրներին։

«Բացի այդ, հանդիպմանը կքննարկվեն Ռուսաստանի հետ պայմանավորվածությունները, Ստամբուլի ֆոնդային բորսայի վերջին անկայունությունը, ընդհանուր տնտեսական իրավիճակը»,- գրում է Reuters-ը։ Մեկ այլ թեմա կլինի Ռուսաստանի Դաշնության դեմ արևմտյան նոր պատժամիջոցների հնարավոր ներդրումը։

Գործակալությունն այլ մանրամասներ չի հայտնել։ Թե ովքեր են մասնակցելու հանդիպմանը, նույնպես չի նշվում։

Երկուշաբթի օրը հայտնի դարձավ, որ Is bankasi և Denizbank բանկերը դադարեցրել են աշխատանքը «Միր» վճարային համակարգի հետ։ 

844