Վաղը 2 ժամով կդադարեցվի բոլոր հեռուստաալիքների հեռարձակումը
ՀՀ տարածքում հոկտեմբերի 31-ին ժամը 08:00-10:00-ն ընկած ժամանակահատվածում կդադարեցվի հեռուստաալիքների հեռարձակումը, կանջատվեն նաև Երևանի հաղորդիչ կենտրոնից սփռվող FM տիրույթի ռադիոալիքները։ Այս մասին հայտնում են «Հայաստանի հեռուստատեսային և ռադիոհաղորդիչ ցանց» ընկերությունից։ Հաղորդագրության մեջ մասնավորապես նշված է․ «Հեռարձակման դադարեցումը պայմանավորված է Երևանի հաղորդիչ կենտրոնի էլեկտրասնուցման համակարգի արդիականացման և արբանյակային հաղորդիչ անտենայի վրա անհետաձգելի պրոֆիլակտիկ-վերականգնողական աշխատանքներով»։
30 Հոկտեմբեր, 2022 18:29
1634