Հացահատիկի գործարքի ժամկետի ավարտի ֆոնին Ուկրաինայից հացահատիկի մատակարարումների սահմանափակմամբ աշխարհում պարենային ապրանքների գները կարող են աճել, գրում է South China Morning Post-ը։ Ռուսաստանի հետ սևծովյան համաձայնագրի ավարտից առաջ Ուկրաինայից հացահատիկի մատակարարումների կասեցումը կասկածի տակ է դնում աշխարհի ամենաարդյունավետ շրջաններից մեկից Ասիա պարենային մատակարարումները և սպառնում է կրկին թանկացնել գները։
Միևնույն ժամանակ, գործարքի երկարաձգման որոշումը կախված կլինի արևմտյան երկրների համաձայնությունից՝ Ռուսաստանի պետական գյուղատնտեսական բանկը SWIFT դրամական փոխանցումների համաշխարհային համակարգին միացնելու պահանջով։
Շուկայի փորձագետները համաձայնել են, որ Ռուսաստանը չի երկարաձգի գործարքը։ Բացի այդ, դրա երկարաձգման հավանականությունը նվազագույնի հասավ Տոլյատի-Օդեսա ամոնիակային խողովակաշարի պայթյունից հետո։ Ուստի, եթե Ուկրաինայից հացահատիկի մատակարարում չլինի, Ասիան կարող է լրջորեն տուժել։
Հոդվածի հեղինակները հավելում են, որ Ռուսաստանը, որը ցորենի հսկայական բերք է հավաքել, կարող է միջամտել և ընտրովի առաքումներ կատարել աֆրիկյան որոշ երկրներ՝ հանուն դիվանագիտական աջակցության։
Մինչդեռ Թուրքիայի պաշտպանության նախարարության մամուլի ծառայության ղեկավար Զեքի Աքթուրքը հայտնել է, որ նախարարությունը շարունակում է շփումները Ռուսաստանի Դաշնության, ՄԱԿ-ի և Ուկրաինայի հետ հացահատիկի գործարքի երկարաձգման հարցով։