Բաժանորդագրվեք araratnews-ի տելեգրամ ալիքին։
Ռուսաստանի և ԱՄՆ-ի նոր դեսպանները շուտով կսկսեն իրենց լիարժեք պարտականությունները կատարել․ այս մասին ТАСС-ին հայտնել է ՌԴ խորհրդարանում աղբյուրը։
«Սա երկկողմ հարաբերությունների կարգավորման հիմնարար հարց է»,- ասել է աղբյուրը։
ԱՄՆ-ում Ռուսաստանի նախկին դեսպան Անատոլի Անտոնովը Վաշինգտոնում իր առաքելությունն ավարտել է 2024 թվականի հոկտեմբերին՝ նախագահ Վլադիմիր Պուտինի հրամանով։
ՌԴ ԱԳՆ-ից ТАСС-ին հայտնել են, որ իրենք վաղուց են որոշել դիվանագիտական առաքելության ղեկավարի թեկնածուին, սակայն դեռ հրապարակայնորեն չեն մեկնաբանում տեղեկությունը։ ՌԴ նախագահի մամուլի քարտուղար Դմիտրի Պեսկովը նույնպես հայտարարել է մոտ ապագայում դեսպան նշանակելու մասին։ Իր հերթին, Ռուսաստանում ԱՄՆ ներկայիս դեսպան Լին Թրեյսին նշանակվել է նախագահ Ջո Բայդենի վարչակազմի օրոք և շարունակում է պաշտոնավարել, սակայն սպասվում է, որ Սպիտակ տան ներկայիս ղեկավար Դոնալդ Թրամփը կարող է առաջարկել Մոսկվայում ամերիկյան դիվանագիտական առաքելության նոր ղեկավարի։