Մբապեն ներողություն է խնդրել «Ալավես»-ի խաղացողից կոպիտ խախտման համար, որի համար նա հեռացվել է խաղադաշտից
Բաժանորդագրվեք araratnews-ի տելեգրամ ալիքին։
Մադրիդի «Ռեալի» հարձակվող Կիլիան Մբապեն ներողություն է խնդրել «Ալավեսի» կիսապաշտպան Անտոնիո Բլանկոյից, ում նա քիչ էր մնում լուրջ վնասվածք հասցներ Լա լիգայի 31-րդ տուրի խաղում։
38-րդ րոպեին ֆրանսիացին խաղակոշիկներով հարվածել է Բլանկոյի սրունքին։ Մրցավար Սեզար Սոտո Գրադոն սկզբում դեղին քարտ է ցույց տվել Մբապեին, սակայն տեսագրությունը վերանայելուց հետո փոխել է որոշումը և խաղադաշտից հեռացրել է Կիլիանին։
Հանդիպման ավարտից հետո ֆրանսիացին մոտեցել է Բլանկոյին ու ներողություն խնդրել նրանից։
Մադրիդի «Ռեալը» ակնկալում է, որ Մբապեն որակազրկվի ոչ ավելի, քան երկու խաղով։
14 Ապրիլ, 2025 14:04
282