Բաժանորդագրվեք araratnews-ի տելեգրամ ալիքին։
ՀՀ-ում ԵՄ դեսպան Վասիլի Մարագոսը, անդրադառնալով այն հարցին, թե արդյոք Հայաստանն ունի հնարավորություն միանալու Եվրամիությանը առաջիկա տարիներին, նշեց.
«ԵՄ-ին միանալու կանոնները շատ հստակ են, կան չափանիշներ, պետք է լինի կոնսենսուս անդամ պետությունների միջև, թեկնածու երկրները պետք է դիմեն: Հայաստանի դեպքում դա տեղի չունեցավ: Այնպես որ, եթե այդ պահը գա, մենք պետք է հետևենք կանոններին»:
Անդրադառնալով հայ-ադրբեջանական հարաբերությունների վերջնական կարգավորման հնարավորությանը՝ Մարագոսն ասաց.
«Նախևառաջ, մենք ողջունել ենք Վաշինգտոնում ձեռք բերված համաձայնությունները, խաղաղության համաձայնագրի նախաստորագրումը: Այնուամենայնիվ, սա շատ լավ հիմք է առաջ շարժվելու համար: Հուսով եմ, որ խաղաղության համաձայնագիրը նույնպես կարող է ստորագրվել մոտ ապագայում: Մենք պատրաստ ենք աշխատել տարածաշրջանում խաղաղությունը պահպանելու համար: Դա կախված է տարածաշրջանի ժողովուրդներից, բայց մենք այստեղ ենք՝ դրան աջակցելու համար»: