Խաչանովը 1/4 եզրափակչում կհանդիպի 5-րդ ռակետի հետ․ Ուիմբլդոն

Բաժանորդագրվեք araratnews-ի տելեգրամ ալիքին։

Ռուսաստանը ներկայացնող հայազգի թենիսիստ Կարեն Խաչանովը դուրս է եկել «Մեծ սաղավարտի» տարվա երրորդ մրցաշարի՝ «Ուիմբլդոնի» քառորդ եզրափակիչ։

1/8 եզրափակչում աշխարհի 20-րդ ռակետը 6-4, 6-2, 6-3 հաշվով վստահ հաղթանակ է տարել Կամիլ Մայխշակի (Լեհաստան, 109-րդ ռակետ) դեմ մրցախաղում։

Խաչանովի հաջորդ մրցակիցը կլինի Թեյլոր Ֆրիցը (ԱՄՆ, 5-րդ ռակետ), որը հաղթել է Ջորդան Թոմփսոնին (Ավստրալիա, 44-րդ ռակետ)։

29-ամյա Խաչանովը կարիերայում երկրորդ անգամ է դուրս գալիս «Ուիմբլդոնի» քառորդ եզրափակիչ։ Մրցաշարի այդ փուլ նախկինում նա հասել էր 2021 թվականին։

07 Հուլիս, 2025 16:36

178