Միլանի 40-ամյա շվեդ հարձակվող Զլատան Իբրահիմովիչը կիսվել է ՊՍԺ-ի և Իտալիայի հավաքականի դարպասապահ Ջանլուիջի Դոնարումայի մասին իր կարծիքով։

«Ես գիտեմ, որ ՊՍԺ-ի մարզչի համար հեշտ չէ. ես չգիտեմ Նավասին, բայց նա հիանալի դարպասապահ է: Թիմն ունի երկու հիանալի դարպասապահ։ Բայց ինձ համար աշխարհում Դոնարուման ներկայումս  լավագույն դարպասապահն է: Այստեղ վիճելու բան չկա, նա աշխարհի ամենաուժեղ դարպասապահն է։ Ես խաղացել եմ նրա հետ և գիտեմ, թե ինչի մասին եմ խոսում»,- Իբրահիմովիչի խոսքերն է մեջբերում L’Equipe-ը:

Հիշեցնենք, որ Դոնարուման դարձել է «Պարի Սեն Ժերմենի» ֆուտբոլիստ 2021 թվականի ամռանը կայացած Եվրոպայի առաջնությունից հետո։ Իտալացի դարպասապահը կնքել է հինգ տարվա պայմանագիր՝ մինչև 2026 թվականի հունիսի 30-ը։

681