Ռուսաստանի արտաքին գործերի նախարար Սերգեյ Լավրովը կարծիք է հայտնել, որ Եվրամիության երկրները «միաձուլվում են» ՆԱՏՕ-ի հետ՝ հաստատելով այն միտումը, որ կկատարեն «կցորդի» գործառույթները: Այս մասին նա հայտնել Է ԱՊՀ արտգործնախարարների խորհրդի նիստի արդյունքներով։

«Նրանք ուղղվում են այն ուղղությամբ, որով արդեն ընթանում է ՆԱՏՕ-ն՝ դրանով իսկ հաստատելով այն միտումը, որ նրանք Հյուսիսատլանտյան դաշինքի հետ միաձուլվում են եւ ըստ էության՝ կատարում են կցորդի գործառույթները», - ասել է Լավրովը:

ՌԴ ԱԳ նախարարի խոսքով՝ Ուկրաինայի՝ ԵՄ-ին անդամակցելու ցանկության անշրջելիությունը կասկածներ է հարուցում։

Նա իր անհանգստությունը բացատրել է նրանով, որ ԵՄ-ը կառուցողական ու տնտեսական հարթակից վերածվել է «ագրեսիվ մարտնչող խաղացողի»։

 

210