Պետական խորհրդի անդամ, Չինաստանի արտաքին գործերի նախարար Ցին Գանգը ուրվագծեց վեց կարևոր կոնսենսուս, որը ձեռք է բերվել Սամարղանդում կայացած Չինաստանի, Ռուսաստանի, Պակիստանի և Իրանի արտգործնախարարների Աֆղանստանի հարցի շուրջ երկրորդ ոչ պաշտոնական հանդիպման ժամանակ։ Այս մասին այսօր՝ ապրիլի 14-ին, հայտնում է «Սինհուա» լրատվական գործակալությունը։
Կոնսենսուսի մասին նա խոսել է հանդիպմանը հաջորդած մամուլի ասուլիսում։ Ըստ այդմ՝
Առաջին կոնսենսուսը Աֆղանստանի ինքնիշխանության, անկախության և տարածքային ամբողջականության նկատմամբ հարգանքը վերահաստատելն է և աջակցությունը Աֆղանստանի քաղաքական ապագայի և զարգացման ուղուն, որը կորոշվի Աֆղանստանի գլխավորությամբ։
Երկրորդ կոնսենսուսը Աֆղանստանում ահաբեկչության հետ կապված անվտանգության ներկա իրավիճակին ուշադրություն դարձնելն է և Աֆղանստանի ժամանակավոր կառավարությանը կոչ անել ավելի կոնկրետ միջոցներ ձեռնարկել, կատարել իր պարտավորությունները՝ զսպելու և վճռականորեն պայքարելու ահաբեկչության դեմ, քայքայելու և վերացնելու բոլոր տեսակի ահաբեկչական խմբավորումները և կանխելու Աֆղանստանի տարածքի օգտագործումը ցանկացած ահաբեկչական ուժերի կողմից, ինչպես նաև արդյունավետ միջոցներ ձեռնարկել Աֆղանստանում օտարերկրյա կառույցների և քաղաքացիների անվտանգությունը, օրինական իրավունքները և շահերը պաշտպանելու համար:
Երրորդը՝ կոչ անելով Աֆղանստանի իշխանություններին ստեղծել ներառական կառավարություն՝ պաշտպանելու ամբողջ աֆղան ժողովրդի, այդ թվում՝ կանանց, երեխաների և էթնիկ փոքրամասնությունների հիմնարար իրավունքներն ու շահերը:
Չորրորդ՝ ընդգծել, որ ԱՄՆ-ը և նրա դաշնակիցները պատմական պատասխանատվություն են կրում Աֆղանստանում առկա բարդ իրավիճակի համար, պետք է անհապաղ չեղարկեն Աֆղանստանի դեմ միակողմանի պատժամիջոցները և անմիջապես վերադարձնեն աֆղան ժողովրդին պատկանող արտասահմանյան ակտիվները, և նրանք չպետք է ռազմաբազաներ կառուցեն Աֆղանստանում և տարածաշրջանում։
Հինգերորդ՝ կոչ ենք անում միջազգային հանրությանը շարունակել մարդասիրական օգնություն տրամադրել Աֆղանստանին, օգնել արդյունավետորեն վերահսկել թմրանյութերը և զարգացնել այլընտրանքային արդյունաբերական մշակաբույսերը և ուժեղացնել անկախ և կայուն զարգացման իր կարողությունները:
Վեցերորդ՝ աջակցել բոլոր դիվանագիտական ջանքերին, որոնք նպաստում են Աֆղանստանի խնդրի քաղաքական կարգավորմանը, և աջակցել միջազգային հանրությանը, հատկապես ՄԱԿ-ին, Շանհայի համագործակցության կազմակերպությանը, Աֆղանստանի հարևան երկրների նախարարական համաժողովին և Աֆղանստանի վերաբերյալ մոսկովյան ձևաչափով խորհրդակցություններին։