Այսօր պարոն Մեսչյանը պաշտոնավարում է: Երբ կլինի դիմումը, դրա մասին կհայտարարվի: Այսօր մամուլի ասուլիսում ասաց Երեւանի քաղաքապետ Հայկ Մարությանը Երեւանի գլխավոր ճարտարապետ Արթուր Մեսչյանի աշխատանքից ազատման լուրերի վերաբերյալ:

Հայկ Մարությանը  հիշեցրեց՝  Արթուր Մեսչյանը ի սկզբանե խոստացել էր՝ աշխատելու է  երկու տարի, որից հետո անցնելու է իր գործերին:

Araratnews.am-ը  Երեւանի քաղաքապետարանի տեղեկատվության եւ հասարակայնության հետ կապերի վարչության պետ  Հովսեփ  Կուբատյանին հարցրեց՝ ի վերջո, Արթուր Մեսչյանն աշխատանքից ազատման դիմում դեռ չի՞ գրել: «Ես  չգիտեմ՝ դիմում գրել է, թե ոչ ինչ-որ ամսաթվով, բայց պարոն Մեսչյանը շարունակում է աշխատել»,- ասաց  քաղաքապետարանի ներկայացուցիչը:

Հավաստի՞ են լուրերը, որ Մեսչյանի հեռանալու պատճառը ներդրողների հետ խնդիրներն են: «Բամբասանքներ չեմ կարող մեկնաբանել»,- ասաց Երեւանի քաղաքապետարանի տեղեկատվության եւ հասարակայնության հետ կապերի վարչության պետ  Հովսեփ  Կուբատյանը:

Սոնա Դավթյան

1642