Ավելի քան 150,000 քվեաթերթիկ մնացել է ԱՄՆ փոստային ծառայության նամակների մշակման կենտրոններում և չի առաքվել ընտրությունների օրը: Նրանցից 12,000-ը հինգ նահանգից է, որտեղ ընտրությունների արդյունքները դեռ հայտնի չեն՝ տեղեկացնում է The Washington Post-ը:
Ինչպես գրում է թերթը, որոշ «չկողմնորոշված նահանգներում» ուշ ստացված քվեաթերթիկները, «միևնույն է, հաշվելու են, քանի որ փոստային կնիքների վրա նշված է ընտրությունների ամսաթիվը»:
Դա վերաբերում է Նևադա նահանգին, որտեղ ընտրությունների օրվանից ստացվել է 4518 քվեաթերթիկ, Հյուսիսային Կարոլինային՝ 2,958 թերթիկ, և Փենսիլվանիային՝ 3,439 թերթիկ:
Ըստ CNN-ի՝ շրջանային դատավոր Էմմեթ Սալիվանը ԱՄՆ փոստային ծառայությանը հրահանգել է օրական երկու անգամ ստուգել նամակների մշակման բոլոր կետերն այն նահանգներում, որտեղ դրանց ներկայացման ժամկետը երկարացվել է:
1lurer.am