Բաժանորդագրվեք araratnews-ի տելեգրամ ալիքին։
Ռուսաստանի փոխարտգործնախարար Միխայիլ Գալուզինը իր հարցազրույցում անդրադարձել է Ադրբեջանի և Հայաստանի միջև հարաբերությունների կարգավորմանը։
«Ռուսաստանը ողջունում է Ադրբեջանի և Հայաստանի առաջընթացը խաղաղության պայմանագրի ստորագրման և երկկողմ հարաբերությունների կարգավորման ուղղությամբ։
Մենք կողմ ենք, որ Հայաստանը և Ադրբեջանը, որոնց հետ դաշնակցային հարաբերություններ ունենք, մշակեն խաղաղության պայմանագիր, որը ճանապարհ կբացի հարաբերությունների կայուն երկարաժամկետ կարգավորման համար և «ական» չի դնի ապագա սերունդների համար»,- ասել է ՌԴ ԱԳՆ ղեկավարի տեղակալը։
Գալուզինի խոսքով՝ ցանկացած հապճեպ կնքված համաձայնագիր կարող է խնդիրներ առաջացնել, իսկ Արեւմուտքը ցանկանում է այն կնքել հնարավորինս արագ։
«Նման հապճեպ, չմտածված և լիովին չստուգված որոշումները չեն կարող հանգեցնել երկարաժամկետ կայուն խաղաղության, ընդհակառակը, դրանք կարող են ապագայում ցանել առճակատման որոշակի սերմեր, ինչը, իհարկե, մենք չափազանց անցանկալի ենք համարում Հայաստանի, Ադրբեջանի, Հարավային Կովկասի և Ռուսաստանի համար»,- հավելել է նա։
Ռուս պաշտոնյան նշել է, որ շրջափակումը վերացնելու եռակողմ խմբի աշխատանքները ներկայումս դադարեցված են։