Բաժանորդագրվեք araratnews-ի տելեգրամ ալիքին։
Մոսկվան պատրաստ է վերականգնել դիվանագիտական հարաբերությունները Վրաստանի հետ, հայտարարել է Ռուսաստանի Դաշնության արտաքին գործերի փոխնախարար Միխայիլ Գալուզինը։
Մոսկվան ափսոսում է վրացական կողմի դիրքորոշման համար, որը դիվանագիտական հարաբերությունների վերականգնումը կապում է Աբխազիայի և Հարավային Օսիայի հարցում Ռուսաստանի դիրքորոշման հետ։
«Ինչ վերաբերում է դիվանագիտական հարաբերություններին, մենք պատրաստ ենք վերականգնել դրանք։ Մենք պատրաստ ենք գնալ այնքան հեռու, որքանով պատրաստ կլինի վրացական կողմը։ Մեզ համար այստեղ որևէ սահմանափակում չկա»,- Գալուզինի խոսքերն է մեջբերում «Известия»-ն՝ Araratnews.am-ի փոխանցմամբ։
Նշենք, որ Թբիլիսին խզել է դիվանագիտական հարաբերությունները Մոսկվայի հետ 2008 թվականի օգոստոսին։