Բաժանորդագրվեք araratnews-ի տելեգրամ ալիքին։
Թեհրանը ոչ մեկի հետ չի բանակցելու, քանի դեռ Իսրայելը շարունակում է հարձակվել նրա վրա։ Այս մասին հայտարարել է Իրանի արտգործնախարար Աբբաս Արաղչին։
«Ներկայիս պայմաններում, քանի դեռ սիոնիստական ռեժիմը շարունակում է հարձակվել Իրանի վրա, մենք չենք ցանկանում որևէ մեկի հետ բանակցել», - ընդգծել է Իրանի արտգործնախարարության ղեկավարը։
Արաղչիի խոսքով՝ Միացյալ Նահանգները «լուրջ ուղերձներ» է հղել Իրանին։ Դիվանագիտական գերատեսչության ղեկավարը նշել է, որ Թեհրանը, ի պատասխան, հստակեցրել է, որ մինչև Իսրայելի հարվածները չդադարեցվեն, «երկխոսության և դիվանագիտության մասին խոսք չի կարող լինել»։
Ավելի վաղ հայտնի էր դարձել, որ Իսրայելի հետ հակամարտության սկսվելուց հետո Արաղչին մի քանի ուղիղ հեռախոսազրույցներ է ունեցել ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆի հետ։