Բելառուսի նախագահ Ալեքսանդր Լուկաշենկոն հայտարարել է, որ Մինսկը չի պատրաստվում «վտարել» արևմտյան դիվանագետներին՝ ի պատասխան պատժամիջոցների։
«Մենք արդեն նկատել ենք, որ անցել է պատժամիջոցների մեկ օրը, որոշ դեսպանատներ արդեն հավաքում են ճամպրուկները՝ հայտարարելով, որ նախագահը որոշում կկայացնի, վաղը նրանց դուրս կշպրտեն»,- նշել է Լուկաշենկոն։

Լուկաշենկոն հավելել է, որ արևմտյան դիվանագետներից և ոչ մեկին «դուրս չեն վռնդի»։ «Մենք ոչ ոքի դուրս չենք վռնդելու: Մենք դա կանենք քաղաքակիրթ ձևով` միջազգային իրավունքի համաձայն: Հետևաբար, լսե՛ք ինձ, ճամպրուկներ հավաքողներ. հանգստացեք, հետ դրեք ձեր ճամպրուկները», - ասել է Բելառուսի ղեկավարը:

Հայտարարությունները Լուկաշենկոն արել է այն բանից հետո, երբ Եվրամիությունը հայտնել է երկրի դեմ պատժամիջոցների մասին։