Թուրքիայի նախագահ Ռեջեփ Թայիփ Էրդողանը դրական նորություն չի համարում ՆԱՏՕ-ի կազմում Ֆինլանդիայի եւ Շվեդիայի անդամակցությունը։

«Մենք հետեւում ենք Ֆինլանդիայի եւ Շվեդիայի հետ իրավիճակի զարգացմանը, բայց մենք այն դրական չենք համարում։ Սկանդինավյան երկրները «հյուրատուն» են ահաբեկչական կազմակերպությունների համար»,- ասել է նա։

Ավելի վաղ հաղորդվել էր, որ ԱՄՆ-ը կաջակցի ՆԱՏՕ-ին անդամակցելու Ֆինլանդիայի եւ Շվեդիայի հայտերին:

Մայիսի 12-ին Ֆինլանդիայի նախագահ Սաուլի Նիինիստեն եւ վարչապետ Սաննա Մարինը հայտարարել են, որ երկիրը պետք է անհապաղ հայտ ներկայացնի ՆԱՏՕ-ին անդամակցելու համար:

217