![](https://araratnews.am/admin/images/1719837114.png)
Ուկրաինական զորքերի կուտակումը Բելառուսի հետ սահմաններին անհանգստության տեղիք է տալիս ոչ միայն Մինսկին, այլև Մոսկվային։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Բելառուսը միութենական պետություն է, մենք ունենք երկխոսության հատուկ ձևաչափ՝ բոլոր համապատասխան գերատեսչությունների, այդ թվում՝ հատուկ ծառայությունների միջոցով։ Իսկ մեր պաշտպանության նախարարությունը մշտական կապի մեջ է գործընկերների հետ»,- ընդգծել է Պեսկովը։
Նա հավելել է, որ Ռուսաստանի նախագահ Վլադիմիր Պուտինը և Բելառուսի առաջնորդ Ալեքսանդր Լուկաշենկոն կարող են քննարկել, թե ինչ է տեղի ունենում Շանհայի համագործակցության կազմակերպության (ՇՀԿ) գագաթնաժողովի շրջանակներում, եթե դա անհրաժեշտ համարեն։ Կրեմլը այդ մասին կհայտարարի այլ օտարերկրյա առաջնորդների, որոնց հետ ծրագրված է պետության ղեկավարի հանդիպումը հուլիսի 2-ին կայանալիք գագաթնաժողովում։
Իր հերթին Ուկրաինայի սահմանապահ ծառայությունը հերքել է տեղեկություններն այն մասին, որ Կիեւն ուժեղացնում է իր ռազմական ներկայությունը Բելառուսի հետ սահմանին՝ դրանք անվանելով «տեղեկատվական գործողության հերթական փուլ», որն իրականացնում է Մինսկը Մոսկվայի աջակցությամբ։