Բաժանորդագրվեք araratnews-ի տելեգրամ ալիքին։
Շիրակի մարզի ընդհանուր իրավասության դատարանը վարույթ է ընդունել Գյումրի համայնքի ղեկավարի պաշտոնակատար, համայնքի ավագանու «Քաղաքացիական պայմանագիր» խմբակցության անդամ Սարիկ Մինասյանի հայցադիմումն ընդդեմ Արտյոմ Ղուկասյանի և վեճի առարկայի նկատմամբ ինքնուրույն պահանջ չներկայացնող երրորդ անձ «Առավոտ» օրաթերթ» ՍՊԸ-ի։ Այս մասին civic.am-ը տեղեկացավ «Դատալեքս» հարթակից։ Հիշեցնենք, որ Ս. Մինասյանը դատարան է դիմել իրեն զրպարտելու համար և հերքում է պահանջում։
Նշենք, որ Ա. Ղուկասյանը Գյումրիի ՀՀԿ շրջանային խորհրդի ղեկավարն է։ Նա վերոհիշյալ թերթին տեղեկացրել էր, որ 2017 թվականին Մինասյանն անդամագրվել է Հայաստանի Հանրապետական կուսակցությանը՝ դիմում ներկայացնելով «ՀՀԿ Գյումրի-1» կառույցին։ Սարիկ Մինասյանն էլ իր ֆեյսբուքյան էջում նախ կոշտ պատասխանել էր ՀՀԿ-ականներին՝ հերքելով իր՝ ՀՀԿ-ական լինելու վերաբերյալ տարածված լուրերը, 20.03.2025-ին էլ դիմել դատարան։