ՀՀ ոստիկանության Տավուշի մարզային ոստիկանության վարչության Իջևանի և Դիլիջանի բաժինների բակերում բացվել է հուշաքար ու խաչքար՝ նվիրված 44-օրյա պատերազմում կյանքը զոհաբերած տավուշցի ոստիկանների հիշատակին։

Խաչքարի օծման արարողությանը ներկա էին Տավուշի մարզպետ Հայկ Ղալումյանը, Իջեւանի համայնքապետի ժ/պ Արթուր Ճաղարյանը, Դիլիջանի համայնքապետի ժ/պ Դավիթ Սարգսյանը, ՀՀ ոստիկանության պետ Վահե Ղազարյանը, Ոստիկանության Տավուշի մարզային վարչության պետ Սերգո Ավետիսյանը, ոստիկանության տարածքային բաժինների ղեկավար կազմը, զոհված ոստիկանների հարազատներ, ընկերներ։

Հիշեցնենք, որ Ոստիկանության Տավուշի մարզային վարչությունից և ենթակա ստորաբաժանումներից Արցախյան 44-օրյա պատերազմում զոհվել է 8 ոստիկան:

Փա՛ռք հանուն հայրենիքի զոհված ոստիկաններին։

741