ՀԱՊԿ խաղաղապահ  ստորաբաժանումները Հայաստանից, Տաջիկստանից և Ղրղզստանից դուրս են եկել Ալմաթիից և շարժվել դեպի իրենց մշտական տեղակայման վայրերը: Այս մասին հայտնում է TACC-ը:

Հայաստանից ժամանած ստորաբաժանումներն իրենց ռազմամեքենաներն ու անձնակազմը տեղավորել են  ՌԴ օդատիեզերական ուժերի երեք ռազմատրանսպորտային Իլ-76 ինքնաթիռներն ու  օդ բարձրացել Ալմաթիի օդանավակայանից։

Տաջիկ զինծառայողներն իրենց հերթին մեկնել են ռուսական մեկ Իլ-76 ինքնաթիռով՝ իրենց հետ տանելով նաև Ղազախստանի ռազմաուսումնական հաստատություններում սովորող իրենց կուրսանտներին։

Ղրղզստանի խաղաղապահները իրենց շարասյունով շարժվել են Ալմաթիի  ТЭЦ-2-ի տարածքից, որը նրանք հսկում էին իրենց պետության հետ սահմանային հատվածում։ Նրանք պետք է հաղթահարեն մոտ 250 կմ դեպի Ղրղզստանի տարածք։ Շարժակազմի կազմում են նաև Dajiang զրահամեքենաները։