Գլխավոր դատախազությունը պահանջում է Արագածոտնի նախկին մարզպետից, ԱԺ նախկին պատգամավորից բռնագանձել անշարժ և շարժական գույքեր, դրամական միջոցներ
![](https://araratnews.am/admin/images/1710246921.jpeg)
Հակակոռուպցիոն դատարանը 2024 թվականի փետրվարի 27-ին, մարտի 5-ին և մարտի 7-ին վարույթ է ընդունել ապօրինի ծագում ունեցող գույքի բռնագանձման վերաբերյալ երեք հայցադիմում (վարույթ ընդունված հայցադիմումների քանակը՝ 102): Այս մասին տեղեկացնում են ՀՀ գլխավոր դատախազությունից:
Մասնավորապես՝
- Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Արագածոտնի նախկին մարզպետ Սարգիս Սահակյանից և նրան փոխկապակցված անձից հօգուտ Հայաստանի Հանրապետության բռնագանձել՝
- 4 անշարժ գույք.
- 1 տրանսպորտային միջոց.
- 1 մլրդ 121 մլն 258 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել.
- 133 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ:
- Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ «Ինֆեկցիոն հիվանդությունների ազգային կենտրոն» ՓԲ ընկերության նախկին գլխավոր հաշվապահ Իշխան Վահրադյանից և նրան փոխկապակցված անձից հօգուտ Հայաստանի Հանրապետության բռնագանձել՝
- 1 անշարժ գույքի գնման իրավունք.
- 1 տրանսպորտային միջոց.
- «Լյուքս Կապիտալ» ՍՊ ընկերությանը տրամադրած փոխառության պահանջի իրավունքի ապօրինի մասը՝ 4 մլն 267 հազար դրամ.
- 2 մլրդ 254 մլն 304 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, 2004-2022 թվականների ընթացքում փոխանցվել է բարեխիղճ ձեռք բերեղի կամ հնարավոր չէ նույնականացնել և բռնագանձել.
- 744 մլն 846 հազար դրամ՝ որպես ապօրինի եկամուտների և միջոցների մնացորդ:
- Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ Ազգային ժողովի նախկին պատգամավոր Նաիրի Սահակյանից և նրան փոխկապակցված անձից հօգուտ Հայաստանի Հանրապետության բռնագանձել՝
- 3 անշարժ գույք.
- 1 տրանսպորտային միջոց.
- 1 իրավաբանական անձում մասնակցություն
- Վահագնի թաղամասում գտնվող բնակելի տան ներկայիս շուկայական արժեքի 71 տոկոսը.
- 602 մլն 789 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել.
- 371 մլն 783 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ:
12 Մարտ, 2024 16:35
346
Գյումրի քաղաքի բնակչուհու՝ ավելի քան 1 տարվա վաղեմության սպանության հանգամանքները պարզվել են․ կալանավորվել է նրա փաստացի ամուսինը
25 Հուլիս, 2024 10:24
ՀՀ գլխավոր դատախազության միջնորդությունը բավարարվել է․ Վրաստանը հետախուզվող անձին հանձնել է ՀՀ իրավասու մարմիններին
25 Հուլիս, 2024 10:09
«Հայբուսակ» համալսարանի ռեկտորը մի շարք անձանցից վարձավճար է վերցրել համալսարան ընդունելու պատրվակով. տուժողներին պատճառված 15 մլն դրամ վնասը վերականգնվել է
11 Հունիս, 2024 10:08
Ապօրինի շինություններ են քանդվել․ տեսանյութ
24 Հուլիս, 2024 21:50
Բացօթյա ապօրինի առևտրի դեմ պայքարը շարունակվում է. տեսանյութ
27 Հունիս, 2024 22:47
2023-ին ապօրինի ծագում ունեցող գույքի բռնագանձման գործառույթի շրջանակում Հակակոռուպցիոն դատարան է ներկայացվել 71 հայց
29 Ապրիլ, 2024 13:28
Համահայկական հիմնադրամի նախկին տնօրենից պահանջում են բռնագանձել 1 մլրդ դրամից ավելի ապօրինի եկամուտ
01 Ապրիլ, 2024 14:25
Գլխավոր դատախազությունը պահանջում է նախկին համայնքապետից բռնագանձել 17 անշարժ գույք և դրամական միջոցներ. դատարանը վարույթ է ընդունել 97-րդ հայցադիմումը
26 Հունվար, 2024 12:53
Մարզերում անշարժ գույքի գործարքների թիվն աճել է
25 Հունվար, 2024 15:01