Հայաստանի հավաքականի նախկին ֆուտբոլիստ Գևորգ Ղազարյանը որդու հետ ներկա է եղել «Ինտեր» – «Նապոլի» հանդիպմանը։ Խաղից հետո «Ինտերի» կիսապաշտպան Հենրիխ Մխիթարյանը մարզաշապիկ է նվիրել Ղազարյանի որդուն։

«Ֆուտբոլով տարված յուրաքանչյուր երեխայի համար «Ինտերի» պես մեծագույն ակումբի և Մխիթարյանի նման ֆուտբոլիստից «Ինտերի» բոլոր խաղացողների ինքնագրերով մարզաշապիկ ստանալը մեծագույն երազանք է: Ես գնահատում եմ դա: Շնորհակալ եմ որդուս հրաշալի օրվա համար, Հեն ջան»,- գրել է Գևորգ Ղազարյանը՝ հրապարակելով լուսանկարներ:

Ֆուտբոլիստի կարիերան ավարտելուց հետո Գևորգ Ղազարյանն աշխատում է «Արարատ-Արմենիայի» մարզչական շտաբում։ Նա Հենրիխ Մխիթարյանի հետ երկար տարիներ խաղացել է Հայաստանի հավաքականում։

666