Այսօր առավոտվանից բջջային տարբերակով հնարավոր չէր մուտք գործել ֆեյսբուքյան էջեր: Խնդիրը պարզելու համար Araratnews.am-ը կապ հաստատեց մեդիափորձագետ Սամվել Մարտիրոսյանի հետ:
«Խնդիրը «Յուքոմի» հետ է, օպերատորի հետ է կապված»,- ասաց Մարտիրոսյանը:
Մեդիափորձագետը հավաստիացրեց, որ շուտով խնդիրը կլուծվի` տեխնիկական հարց է:
«Յուքոմ» ընկերությունից էլ հաստատեցին, որ կան տեխնիկական որոշակի խնդիրներ:
« Ucom ընկերության ցանցում առկա խնդիրը պայմանավորված է Եվրոպական ուղղությունից ստացվող տվյալների մատակարար-օպերատորի մոտ գրանցված տեխնիկական խոտանով: Մեր ընկերության տեխնիկական անձնակազմն անդադար կապի մեջ է եվրոպացի գործընկերների հետ: Համապատասխան մասնագետներն արդեն աշխատում են, որպեսզի հնարավորինս շուտ կարգավորեն խնդիրը»,- Аraratnews.am-ին ասաց «Յուքոմի» աշխատակիցը:
Հայկ Մագոյան