ԱՊՀ երկրները ստեղծել են զինված ուժերի կապի համատեղ համակարգ՝ Համագործակցության երկրների բանակների միջեւ տեղեկատվության փոխանակման եւ փոխգործակցության համակարգման համար, ասվում է համաձայնագրի տեքստում, որը երեքշաբթի հրապարակվել է իրավական տեղեկատվության պորտալում:

Ըստ փաստաթղթի՝ համաձայնագիրն ուժի մեջ է մտել Ռուսաստանի համար 2021 թ. նոյեմբերի 28-ից, ընդ որում՝ այն բաց է մնում ԱՊՀ ցանկացած մասնակից պետության անդամագրման համար։ Բացի ՌԴ-ից, այսօրվա դրությամբ դրան միացել են Հայաստանը, Բելառուսը, Ղազախստանը, Ղրղզստանը եւ Տաջիկստանը։

Ենթադրվում է, որ համակարգի հիմնական խնդիրներն են լինելու կապի ծառայությունների մատուցումը եւ տեղեկատվության փոխանակումը համաձայնագրի մասնակից երկրների ԶՈւ-երի միջեւ, փոխգործակցությունը ռազմական ոլորտում, կապի ազգային եւ Համագործակցության երկրների հատուկ կապի համակարգերի համատեղելիության ապահովումը։

484